تبلیغات
ایل من بختیاری - شعر بختیاری دو بیتی...
 
ایل من بختیاری
https://telegram.me/bimeh_passargad
درباره وبلاگ



مدیر وبلاگ : محمد نوری
نویسندگان
یکشنبه 19 شهریور 1391 :: نویسنده : محمد نوری
دو بیتی...     

به گُرزِ کی طلسمِ غیرت إشکست

گُـدارِ گـوگـرینه  قهـرِ کـی بَست

الا زنـگی  ،  یو سی باجِ سویلـِت

چِتـو ایلُـم ز بردِ گـفتـری وَست

***

برافتـو سایه ونـده اورِلـونه

بهیگ زنده ئی، دُندال إخـونه

دل آسـاره خـینه مینِ تاراز

بزن هیجار"بهمن"مال کنونه

***

تو افتووی ندونی دردِ شَونه

سُواری کی کِشی بِندارِ رَونه

تو که هاشق نبیدی پَل بُریده

چتو وَندی به لاشُم تُهمِ تَونه

***

مو درس آموزِ بردِ پیرِغارُم

ستین بَردِ مشـروطه ودارم

إترسم کُهتُـر آبـو بَـردِ ایلم

نویسینِس به تیگِ روزگارم

***

گُلُنـگِ خاطـرُم عیسِت کشیدُم

زِ تـالِ بـاورم قـاوِس تنـیـدم

کُلِه پِرقُُم مکن او مال و إی مال

ایر جونـم بِسونی عیسِ نیدُم

* * *

ستینُم، وسدُمه چَه ، زی بیو دی

فُتـورا سر دلُـم ره ، زی بیو دی

چه وابیـده که رهـدم إز خیالت

خیالم منده بی ره ، زی بیو دی

***

دومـارِگُــل در آوردِن دمـــارُم

خیـال رهــدن و منـدن نــدارم

مو چی بیجن به جُستِ مه إگشتُم

زمــونه چَـه درازی وَنـده بارم

***

ز دَست خالک و خال و خیالِس

چَکُم لَرسُم گـُـدردُم زیرِمـالس

چکِ گُل چی دمِ تیغ اسـد خون

سَـرُمِ أر بُـره ، خیـنُم حلالِـس

***

کِلُـم زیـدی گدشتی تش به جـونِت

دلم بونه گِرهد وی شون به شونت

بگُـش دی کِـف کلیـتِ خِفـتِ لـوته

بیو جونم بسو سی ، زون گشونت

***

شَده چـی شو گُـلالِ مهنه بَهسه

سرِ میـنـاگـل آسـاره نشـهسـه

دل إیگـو مَـوِدِ  شوخیـن امشـو

بهیگ آسمون جُم خرده ووهسه

آرمان راکیان  - سرخون





نوع مطلب :
برچسب ها :
لینک های مرتبط :
چهارشنبه 10 آبان 1391 09:28 ب.ظ
سلام ودرود بر مردم پاك ومهربان بختیاری.
 
لبخندناراحتچشمک
نیشخندبغلسوال
قلبخجالتزبان
ماچتعجبعصبانی
عینکشیطانگریه
خندهقهقههخداحافظ
سبزقهرهورا
دستگلتفکر


آمار وبلاگ
  • کل بازدید :
  • بازدید امروز :
  • بازدید دیروز :
  • بازدید این ماه :
  • بازدید ماه قبل :
  • تعداد نویسندگان :
  • تعداد کل پست ها :
  • آخرین بازدید :
  • آخرین بروز رسانی :
a href="http://www.ehda.ir">


دریافت كد ساعت